Makamu wa Pili wa Rais wa Zanzibar Balozi Seif Ali Iddi akitoa Taarifa ya Serikali ya Mapinduzi ya Zanzibar ya Utekelezaji wa wa Ilani ya Uchaguzi ya CCM kipindi cha miaka mitano kuanzia Novemba mwaka 2010 hadi Julai 2015 kwenye Mkutano Mkuu wa CCM wa siku mbili uliofanyika katika Ukumbi wake Mpya uliopo Mjini Dodoma. Picha na Hassan Issa – OMPR – ZNZ.
Wagombea kuomba nafasi ya urais wa Jamuhuri ya Muungano wa Tanzania kwa Tiketi ya CCM waliongia kwenye mchakato ya tatu bora Balozi Amina Salum Ali Kulia na Dr. Ash Roze Migiro wakipongezana kabla ya kutangazwa aliyefanikia kupeperusha Bendera ya chama hicho Dr. John Pombe Magufuli. Picha na Hassan Issa – OMPR – ZNZ.
Dr. John Pombe Magufuli Mgombea nafasi ya Urais wa Serikali ya Muungano kwa tiketi ya CCM Kushoto na Mgombea mwenza wake Mh. Samia Suluhu Hassan wakipongezana mara baada ya kutangazwa Mh. Samia kwenye wadhifa huo. Picha na Hassan Issa – OMPR – ZNZ.
Press Release:-
Serikali ya Mapinduzi ya Zanzibar imeidhinisha miradi ya Kiuchumi ya
uwewkezaji ipratayo 153 yenye Mtaji wa Dola za Kimarekani Bilioni
Moja, Mia 493 Milioni, laki 139,968 katika azma yake ya kuongeza
mapato na kusaidia kupunguza ukali wa maisha kwa Wananchi wake.
Makamu wa Pili wa Rais wa Zanzibar Balozi Seif Ali Iddi alitoa kauli
hiyo wakati akitoa Taarifa ya Serikali ya Mapinduzi ya Zanzibar ya
Utekelezaji wa wa Ilani ya Uchaguzi ya CCM kipindi cha miaka mitano
kuanzia Novemba mwaka 2010 hadi Julai 2015 kwenye Mkutano Mkuu wa CCM
waq siku mbili uliofanyika katika Ukumbi wake Mpya ulioo Mjini Dodoma.
Mkutano huo pamoja na Mambo mengine umepokea na kupitisha Ilani ya
Uchaguzi ya Chama hicho ya mwaka 2015 hadi 2020 itakayonadiwa kwa
wananchi ili ipate ridhaa ya kuongoza Dola katika Uchaguzi Mkuu
utakaofanyika mwezi Oktoba Mwaka huu.
Balozi Seif alisema miradi hiyo ya uwekezaji 153 kati yake miradi 53
inamilikiwa na wawekezaji wazalendo ambao sekta ya Utalii ikiongoza
kwa asilimia 52 ya miradi iliyoidhinishwa katika kipindi hichi.
Alisema uwekezaji huo wa miradi ya Kiuchumi unatarajia kutoa ajira
zipatazo elfu 6,658 kwa wananchi wazalendo hali itakayosaidia
kupunguza tatizo la ukosefu wa ajira hasa kwa Vijana hapa Nchini.
Makamu wa Pili wa Rais wa Zanzibar ambae Pia ni Mjumbe wa Kamati Kuu
ya Halmashauri Kuu ya Taifa ya CCM alisema Serikali imefanya tafiti
tofauti katika kuibua maeneo mapya ya kuwekeza sambamba na utafiti wa
mwenendo wa mitaji Binafsi ili kuona namna gani mitaji hiyo inatoa
mchango katika kuimarisha uchumi wa Taifa.
Akizungumzia kuhusu suala la mikopo Balozi Seif alisema katika kipindi
cha miaka mitano iliyopita Serikali ya Mapinduzi ya Zanzibar imetoa
mikopo 1,603 yenye thamani ya shilingi Bilioni 1.45 katika shehia 305
za Unguja na Pemba.
Alisema Mikopo hiyo imeongeza ajira za moja kwa moja zipatazo 20,614
kwa makundi mbali mbali ya Jamii ambazo zimewahakikishia kufaidika na
upatikanaji wa ajira.
Balozi Seif alifahamisha kwamba mikopo hiyo iliyotolewa na Serikali
imekwenda sambamba na ule mpango wake wa kuweka fedha za dhamana
shilingi Milioni 1,000,000,000/- kwenye Benki ya CRDB ili kuviwezesha
vikundi vya Vijana kujipatia mikopo kutokana na dhamana hiyo.
Alieleza kwamba huduma za mikopo kwa wajasiri amali wadogo wadogo
zimeimarishwa kwa kuunganisha mifuko iliyokuwepo zamani chini ya mfuko
ulioanzishwa wa Uwezeshaji Wananchi Kiuchumi.
Balozi Seif alifahamisha kuwa mfuko huo wa uwezeshaji wananchi
Kiuchumi una lengo la kupanua fursa za mikopo nafuu kwa wajasiri amali
hususan, wanawake, vijana na watu wenye kipato cha chini ili waweze
kuanzisha na kuimarisha shughuli za kiuchumi zitakazowasaidia
kujiajiri na kunyanyua kipato chao.
Kuhusu mafanikio ya Utekelezaji wa Ilani ya Uchaguzi ya CCM katika
kipindi cha miaka mitano iliyopita Balozi Seif alisema Serikali ya
Mapinduzi ya Zanzibar imeongeza ukusanyaji wa Mapato kutoka vianzio
mbali mbali vilivyopo hapa Nchini.
Balozi Seif alisema Mapato ya Serikali yameonyesha kuongezeka kutoka
shilingi Bilioni 181 kwa mwaka 2010/2010 hadi kufikia shilingi Bilioni
mia Mia Tatu na Thalathini kwa Mwaka 2013/2014.
Alisema makusanyo hayo hayo ya shilingi Bilioni Mia 330 ni sawa na
asilimia 94% ya makadirio yaliyokusudiwa kukusanywa ya shilingi
Bilioni Mia 338.45 katika kipindi hicho.
Alieleza kuwa ongezeko hilo la mapato ya ndani limetokana na juhudi
tofauti zilizochukuliwa na Serikali zikiwemo kuziba miaya ya uvujaji
wa mapato ya Taifa kwa kuyafanyia kazi mapendekezo yaliyotolewa
kupitia maabara ya upatikanaji wa rasilmali fedha na mapitio ya Sekta
ya Fedha.
Katika juhudi za kuendeleza ujenzi wa skuli mpya za sekondari Nchini
Makamu wa Pili wa Rais wa Zanzibar Balozi Seif Ali Iddi alisema
Serikali imekamilisha ujenzi wa Skuli 19 Unguja na Pemba ambao
umefanya idadi ya skuli za Sekondari kuongezeka na kufikia Skuli 263
mwaka 2015 kutoka skuli 194 mwaka 2010.
Balozi Seif alisema kukamilika kwa ujenzi wa skuli hizo kumesaidia
kupunguza msongamano wa wanafunzi kwa baadhi ya skuli za sekondari
kwa vile idadi ya wanafunzi katika ngazi ya sekondari kuanzia kidato
cha kwanza hadi cha nne imeongezeka.
Alieleza kwamba katika kwenda sambamba na ongezeko hilo la idadi kubwa
ya wanafunzi Wizara inayosimamia sekta ya Elimu imewapatia mafunzo
walimu Wakuu 350 juu ya miiko na maadili ya kazi za ualimu ili
kuwajengea uwezo wa kumudu kazi zao.
Balozi Seif alisema mafunzo hayo yamekwenda sambamba na uimarishaji wa
ufundishaji wa masomo ya sayansi ambapo jumla ya walimu 10 wamepatiwa
mfunzo nje ya Nchi na walimu 450 wa sekondari wamejengewa uwezo wa
kitaaluma.
Alifahamisha kwamba hatua hizo zote zimelenga kuwajengea mazingira
bora wanafunzi nchini kujikita katika kuwavutia kupenda kusoma masomo
ya sayansi na hesabu yanayoonekana kuwa na idadi ndogo ya wanafunzi na
hatimae huchangia kupunguza idadi ya wataalamu wa sayansi Nchini.
Hata hivyo Makamu wa Pili wa Rais wa Zanzibar alisema zipo changamoto
zilizojitokeza wakati wa utekelezaji wa Ilani ya Uchaguzi ya CCM mwaka
2010 – 2015 ambazo zilichangia kupunguza kasi ya harakati za Maendeleo
Nchini.
Balozi Seif alizitaja baadhi ya changamoto hizo kuwa ni pamoja na
kutokea kwa vitendo vilivyoashiria kuvunjika kwa hali ya amani nchini,
kutokea kwa maafa tofauti na kuleta usumbufu kwa jamii pamoja na
mfumko wa bei za vyakula uliotokana na kupanda kwa bei ya mafuta na
chakula katika soko la Dunia.
Alisema Serikali Kuu ililazimika kuchukuwa hatua za dharura
kukabiliana na changamoto hizo na kufanikiwa kuzidhibiti hasa lile
suala zima la udhibiti wa amani ya Taifa ambalo lilihitaji kuchukuliwa
hatua za haraka.
Makamu wa Pili wa Rais wa Zanzibar amewashukuru na kuwapongeza
Wananchi, sekta binafsi asasi za Kiraia, Washirika wa Maendeleo na
Nchi marafiki kwa ushirikiano na mahusiano yao yaliyoiwezesha Serikali
kutekeleza majukumu yake kwa ufanisi mkubwa.
Alisema kutokana na mashirikiano na mafanikio yaliyopatikana kati ya
pande hizo mbili ni dhahiri kwamba Wananchi wameonyesha Imani kwa
Ilani ya Chama cha Mapinduzi na ni vyema wakaiunga mkono katika
kipindi chengine cha miaka mitano ijayo.
Alisema uungaji mkono huo utachangia kuiwezesha Nchi kupiga hatua
Zaidi ya maendeleo katika sekta ya kiuchumi,uz alishaji mali,huduma za
Kijamii na sekta nyengine muhimu.
