Makamu wa Pili wa Rais wa Zanzibar Balozi Seif Ali Iddi akitia saini Mkataba wa uendelezaji wa Ujenzi wa Jengo la Upasuaji katika Hospitali ya Micheweni

Afisa Uendeshaji Tiba Kisiwani Pemba Bwana Ali Moh’d Mbarawa  mwenye karatasi mkononi akimpatia maelezo Makamu wa Pili wa Rais wa Zanzibar Balozi Seif Ali Iddi aliyevaa suti ya buluu juu ya Ujenzi wa Jengo la Upasuaji katika Hospitali ya Micheweni kabla utiaji saini Mkataba wa uendelezaji wa ujenzi huo.Picha Hassan Issa –OMPR – ZNZ.

Muonekano wa Jengo litakalokuwa Kituo cha upasuaji katika Hospitali ya Wilaya ya Micheweni Kisiwani Pemba linalotarajiwa kugharimi jumla ya shilingi Milioni 340,000,000/- litakapokamilika. Picha Hassan Issa –OMPR – ZNZ.

Kaimu Balozi wa Japan Nchini Tanzania Bwana Kazuyoshi Matsunaga akiwa pamoja na Afisa Uendeshaji Tiba Kisiwani Pemba Bwana Ali Moh’d Mbarawa wakitia saini Mkataba wa ujenzi wa Jengo la Upasuaji katika Hospitali ya Wilaya ya Micheweni.

Utiaji saini huo umeshuhudiwa na Makamu wa Pili wa Rais wa Zanzibar Balozi Seif wa tatu kutoka Kulia, Katibu Mkuu Wizara ya Afya Dr. Saleh Mohammed Jidawi kushoto yake na Mkuu wa Wilaya ya Wete Nd. Hassan Khatib Hassan.Kulia ya Balozi Seif ni Mkuu wa Mkoa Kaskazini Pemba Mh. Omar Khamis Othman, Katibu wa Jumuiya ya Maendeleo ya Jimbo la Konde Nd. Ismail Juma na Mkuu wa Wilaya ya Micheweni Nd. Jabu Khamis Mbwana. Picha Hassan Issa –OMPR – ZNZ.

Kaimu Balozi wa Japan Nchini Tanzania Bwana Kazuyoshi Matsunaga akibadilishana mawazo na Makamu wa Pili wa Rais wa Zanzibar Balozi Seif Ali Iddi mara baada ya utiaji saini Mkataba wa ujenzi wa jengo la Upasuaji la Hospitali ta Wilaya ya Micheweni Kisiwani Pemba.

Kulia ya Balozi Seif ni Mkuu wa Mkoa wa Kaskazini Pemba Mheshimiwa Omar Khamis Othman. Picha Hassan Issa –OMPR – ZNZ.

Kaimu Balozi wa Japan Nchini Tanzania Bwana Kazuyoshi Matsunaga akisisitiza msimamo wa Serikali yake kuendelea kuunga mkono juhudi za maendeleo ya Wananchi wa Tanzania mara baada ya utiaji saini Mkataba wa ujenzi wa jengo la Upasuaji Hospitali ya Micheweni Pemba.  
Picha Hassan Issa –OMPR–ZNZ.                                 

 Press Release:-

Makamu wa Pili wa Rais wa Zanzibar Balozi Seif alisema Serikali ya Mapinduzi ya Zanzibar imejipanga kutoa ajira maalum kwa Watendaji wa Sekta ya Afya watakaotoa huduma  za afya Kisiwani Pemba ili kujaribu kuondosha tatizo la uhaba wa watendaji wa sekta hiyo.

Alisema mpango huo utakuwa wazi  na kutangazwa kwa watendaji wenye sifa za kufanya kazi hiyo  watakuwa huru kuomba nafasi hizo na yule atakayeamua kutumia fursa hiyo kwakufanya  ujanja wa kuchukuwa uhamisho kufanya kazi unguja  atambue mapema kwamba amejifukuzisha kazi mwenyewe.

Balozi Seif Ali Iddi alitoa kauli hiyo mara baada ya utiaji saini Mkataba wa uendelezaji wa Ujenzi wa Jengo la Upasuaji katika Hospitali ya Micheweni uliofanywa kati ya Kaimu Balozi wa Japan Nchini Tanzania Bwana Kazuyoshi Matsunaga na Afisa Uendeshaji Tiba Kisiwani Pemba Bwana Ali Moh’d Mbarawa.

Mradi wa Ujenzi huo  uliobuniwa na Jumuiya ya Maendeleo ya Jimbo la Konde ndani ya Wilaya ya Micheweni umepata mchango kutoka Serikali ya Japani kupitia Mradi wake wa kusaidia jamii wa GGHSP, Halmashauri ya Wilaya ya Micheweni, Wizara ya Afya Zanzibar pamoja na Mifuko ya Majimbo Manne ya Wilaya ya Micheweni .

Balozi Seif alisema ipo tabia ya muda mrefu  isiyoridhisha kwa watendaji wengi wa Sekta ya Afya kuomba ajira Kisiwani Pemba na Baadae kutumia mbinu na ujanja wa kusingizia ndoa pamoja na magonjwa  kuomba uhamisho wa kuhamia kufanya kazi Kisiwani Unguja.

Alisema tabia hiyo imeigharimu hasara kubwa Serikali Kuu pamoja na Wizara inayohusika na masuala ya Afya sambamba na kuleta usumbufu kwa wananchi wengi wanaohitaji huduma za Afya Kisiwani Pemba.

“ Hili kupitia kikao hichi nalisema wazi na kweupe kwamba tuitajipanga kutangaza nafasi za kazi kwa huduma za afya maalum kwa Pemba ili tutoe fursa kwa watendaji hao kusaidia ndugu na jamaa zao. Sasa kama kutakuwa na Mtu mjanja aelewe kwamba akifanya hivyo ajue kuwa kazi basi “. Alitahadharisha  balozi Seif.

Alifahamisha kwamba Serikali ya Mapinduzi ya Zanzibar itaendelea kupeleka huduma zote muhimu kwa Wananchi wake katika maeneo yote ya Visiwa vya Unguja na Pemba bila ya kupendelea upande mmoja.

Makamu wa Pili wa Rais wa Zanzibar Balozi Seif Ali Iddi ameipongeza Jumuiya ya Maendeleo ya Jimbo la Konde Wilaya ya Micheweni Mkoa wa Kaskazini Pemba wa umakini wake wa kubuni mradi mkubwa wa ujenzi wa jengo la Upasuaji katika Hospitali ya Micheweni.

Alisema ujenzi wa jengo hilo unaoendelea tokea Oktoba mwaka 2012 umekuja kwa wakati na ni muhimu kwa ustawi wa afya za wananchi wa Wilaya ya micheweni.

Alisema Mradi huo kwa kiasi kikubwa utasaidia kuwapunguzia akina mama shida ya kufuata huduma ya upasuaji wanapokuwa wajawazito katika hospitali za Wilaya nyengine.

“ Wenzetu hawa akina mama wajawazito wanapohitaji huduma ya upasuaji ni lazima kuwapatia haraka vyenginevyo tunahatarisha  maisha yao kwani bado suala la kupunguza idadi ya vifo vya wajawazito na watoto wachanga ni changamoto “. Alisema Balozi Seif.

Makamu wa Pili wa Rais wa Zanzibar alieleza kwamba jitihada mbali mbali zinazochukiliwa na Serikali ya Mapinduzi ya Zanzibar katika kustawisha afya za wananchi wake imelenga kuondosha kabisa vifo vya akina mama wajawazito na watoto wachanga.

Akitoa Taarifa ya ujenzi wa jengo hilo la Upasuaji la Hospitali ya Micheweni Katibu wa Jumuiya ya Maendeleo ya Jimbo la Konde Nd. Ismail Juma alisema ujenzi wa Mradi huo ulioanza Mwezi Oktoba mwaka 2012 umekuja kufuatia shida za huduma za afya walizokuwa wakizipata Wananchi wa Wilaya ya Micheweni.

Nd. Ismail alisema wananchi wengi wanaokadiriwa kufikia wagonjwa 20 kwa mwezi hasa akina mama na watoto walikuwa wakilazimika kufuata huduma hizo katika Hospitali za Wete, Chake chake na Abdulla Mzee Mkoani.

Alisema mradi huo wa ujenzi wa jengo la upasuaji katika Hospitali ya Micheweni unatarajiwa kuhudumia wakaazi wapatao Laki 103,856 wa Majimbo Mnne yaliyomo ndani ya Wilaya ya Micheweni unakadiriwa kugharimu shilingi za Kitanzania Milioni 340,000,000/-.

Mapema Kaimu Balozi wa Japani Nchini Tanzania Bwana Kazuyoshi Matsunaga alisema Hospitali za Wilaya kwa mujibu wa vigezo vya vya Kimataifa zinalazimika kuwa na uwezo wa kutoa huduma muhimu za afya ukiwemo upasuaji.

Kaimu Balozi Katsunaga aliwahakikishia Wananchi wa Micheweni kwamba Serikali ya Japani kupitia mradi wake iliyouanzisha mwaka 1991 wa kusaidia huduma za Kijamii Nchini Tanzania katika sekta za Afya, Elimu na Maji kwamba mradi huo utakamilika kwa wakati ulipangwa.

Alisisitiza kuwa Serikali ya Nchi yake itaendelea kutoa msaada pamoja na kuunga mkono miradi iliyoanzishwa na wananchi wa Tanzania na Zanzibar kwa ujumla katika lengo la kuimarisha uhusiano wa muda mrefu wa Kidiplomasia kati ya pande hizo mbili rafiki.

      

Read More

Makamu wa Pili wa Rais wa Zanzibar Balozi Seif Ali Iddi akizindua rasmi Kikundi cha Mazoezi ya Viungo cha Upendo chenye Maskani yake katika Kijiji cha Uzini ndani ya Wilaya ya Kati.

Makamu wa Pili wa Rais wa Zanzibar Balozi Seif Ali Iddi akikata utepe kuashiria kuyaruhusu maandamano ya wana mazoezi ya viungo wa vikundi mbali mbali walioshiriki uzinduzi wa IKikundi cha Upendo cha Uzini kuingia ndani ya viwanja vya michezo vya skuli ya Uzini. Kulia ya Balozi Seif ni Mkuu wa Mkoa wa Kusini Unguja Dr. Idriss Muslim Hijja na kushoto yake ni Waziri wa Habari, Utamaduni, Utalii jna Michezo Said Ali Mbarouk. Picha Hassan Issa  - OMPR –ZNZ.

Makamu wa Pili wa Rais wa Zanzibar Balozi Seif Ali Iddi akikizindua rasmi Kikundi cha mazoezi ya viungo cha Upendo chenye maskani yake katika Kijiji cha Uzini Mkoa wa Kusini Unguja. Picha Hassan Issa  - OMPR –ZNZ.

Mwakilishi wa Jimbo la Uzini Moh’d Raza Hassanali hakua nyuma katika kuungana na wanamichezo wa vikundi vya Mazoezi wakati wa uzinduzi  wa kikundi cha Upendo Uzini kiliomo ndani ya Jimbo analoliongoza. Picha Hassan Issa  - OMPR –ZNZ.

Baadhi ya vikundi rafiki vya mazoezi hapa Unguja vilivyoshiriki kwenye uzinduzi wa Kikundi cha Mazoezi cha Upendo cha Kijiji cha Uzini Wilaya ya Kati Mkoa wa Kusini Unguja. Picha Hassan Issa  - OMPR –ZNZ.

Vijana wadogo wa Kikundi cha mazoezi cha Nurl - jana cha Mtaa wa Magogoni wakifanya vitu vyao wakati wa mazoezi ya uzinduzi wa Kikunci cha Upendo cha Uzini.
Picha Hassan Issa  - OMPR –ZNZ.

Uzee sio sababu ya kutofanya mazoezi. Hivyo ndivyo inavyoonekana kwa Mzee Salum Abeid wa pili kutoka kulia kutoka Kikundi cha Mazoezi ya Viungo cha Upendo Uzini akionyesha mfano huo bila ya kupumzika hadi mwisho wa zoezi.

 Picha Hassan Issa  - OMPR –ZNZ.

  Press Release:-

Makamu wa Pili wa Rais wa Zanzibar Balozi Seif Ali Iddi kwa mara nyengine tena ndani ya saa 24  amekizindua rasmi Kikundi cha Mazoezi ya Viungo cha Upendo chenye Maskani yake katika Kijiji cha Uzini ndani ya Wilaya ya Kati.

Uzinduzi huo ameufanya katika viwanja vya michezo vya Skuli ya Sekondari Uzini  na kushirikisha pia vikundi mbali mbali vya Zoni “D” pamoja na vile vikundi rafiki vya mazoezi viliopo hapa Unguja.

Balozi Seif Ali Iddi aliyaongoza maandamano ya wana vikundi walioshiriki  katika uzindui huo yaliyoanzaia  Kijiji cha Mgeni Haji Kibombani hadi Skuli ya Uzini akiambatana na Viongozi wa Wizara ya habari, Utamaduni, Utalii na Michezo pamoja na wa Serikali wa Wilaya ya Kati na Mkoa wa Kusini Unguja.  

Akizungumza na wanavikundi hao Makamu wa Pili wa Rais wa Zanzibar Balozi Seif Ali Iddi alisema Wananchi lazima watenge muda maalum katika kufanya uchunguzi wa afya  zao licha ya kufanya mazoezi ya kila siku.

Balozi Seif alisema wapo watu miongoni mwa Jamii wanaotembea na kuendelea na harakati zao za kimaisha kila siku bila kujitambua kwamba wamezongwa na  matatizo ya kiafya.

Alisema mazonge kama hayo ndio chanzo kikuu kinachowasababishia watu wa aina hiyo kupata vifo vya ghafla na kuwaacha jamaa na watu wa karibu kushangaa na kuanza dhana na  shutuma ya kumtafuta mbaya wake.

“ Jamaa na marafiki wanabakia kushangaa na kuanza  shutuma kwamba mwenzetu huyu  si bure kwa hili  hapa upo mkono wa mtu “. Balozi Seif alisema hizo ni fikra potovu zinazoweza kuleta mfarakano ndani ya familia na jamii kwa ujumla.

Makamu wa Pili wa Rais wa Zanzibar aliendelea kuwakumbusha wanamichezo na wananchi wote kuendeleza amani na utulivu uliopo hapa Nchini na kuwakemea wale wanaoshika bango la kutaka kuzusha balaa la kuiharibu amani hiyo.

Alifahamisha kwamba Jamii itahamanika na kutawanyika bila ya kujali athari itayowakumba akina mama na watoto endapo hali ya amani na utulivu itapotea hapa nchini.

“ Sisi tunataka kuendelea kufanya mazoezi yetu na kuishi bila ya vurugu. Sasa wale wenzetu wanaosimamia bango la kutaka kuzua balaa ya kuiharibu amani yetu lazima inatupasa tuwakemee kwa nguvu zetu zote “ Alisisitiza Balozi Seif.

Makamu wa Pili wa Rais wa Zanzibar alikipongeza Kikundi cha mazoezi ya Viungo cha Upendo cha Uzini na kuahidi kwamba zile changamoto zinazokikabili kikundi hicho hasa suala la vifaa vya kusaidia Jamii katika usafi wa mazingira atalichukulia hatua za haraka.

Mapema Daktari wa kitengo cha kudhibiti maradhi yasiyoambukiz Dr. Omar Abdulla alisema zaidi ya asilimia 33% ya maradhi ya moyo na asilimia 3% ya maradhi ya Kisukari ya watu hapa Zanzibar wameathirika na magonjwa hayo.

Dr. Omar alisema chanzo cha ongezeko la maradhi hayo hapa Nchini kinatokana na watu kutopenda kufanya mazoezi sambamba na kutumia kwa kiwango kikubwa vyakula vya mafuta.

 Mchango wa papo kwa papo ulifanywa katika hafla ya uzinduzi wa Kikundi cha Upendo Uzini kwa lengo la kusaidia kuimarisha kikundi hicho kilichoanzishwa karibu miaka Mitatu iliopita.

Zaidi ya shilingi Milioni 3,000,000 zimepatikana katika mchango huo ulioongozwa na Makamu wa Pili wa Rais wa Zanzibar Balozi Seif akiwa kinara wa kuunga mkono wachangiaji mbali mbali waliojitokeza wakiwemo Viongozi wa Serikali.

Read More

Makamu wa Pili wa rais ashiriki kwenye Kongamano la Wanawake na Uongozi katika Katiba inayopendekezwa

Baadhi ya Wanawake walioshiriki kwenye Kongamano la Wanawake na Uongozi katika Katiba inayopendekezwa lililoandaliwa na Taasisi ya Mwanaharakati Siti Binti Saad lililofanyika katika Ukumbi wa Hoteli ya Grand Palace Malindi Mjini Zanzibar.
Picha Hassan Issa - OMPR – ZNZ.

Makamu wa Pili wa Rais wa Zanzibar Balozi Seif akilifunguwa Kongamano la Wanawake na Uongozi katika Katiba inayopendekezwa lililofanyika katika Ukumbi wa Hoteli ya Grand Palace Malindi Mjini Zanzibar.  Picha Hassan Issa - OMPR – ZNZ.

Mkuu wa Mkoa wa Mjini Magharibi Mh. Abdulla Mwinyi akitoa nena la shukrani kwa Mgeni rasmi Makamu wa Pili wa Rais wa Zanzibar Balozi Seif Ali Iddi mara baada ya kulifungua Kongamano la Wanawake na Uongozi. Picha Hassan Issa - OMPR – ZNZ.

Mtangazaji wa Zamani wa Kituo cha Matangazo ya Televisheni Zanzibar Karume House Bibi Neema Mussa Maisara akiipitia Katiba iliyopendekezwa kwenye Kongamano la Wanawake na Uongozi hapo Grand Palace Malingi Mjini Zanzibar. Kulia yake ni msanii maarufu Zanzibar Bi Tele, Naibu Katibu Mkuu wa Wazazi Zanzibar Bibi Salama Aboud Talib na Makamu mwenyekiti Mstaafu wa UWT Zanzibar Bibi Mvita Mussa Kibendera.Picha Hassan Issa - OMPR – ZNZ.

Mwenyekiti wa Taasisi ya Mwanaharakati Bibi Siti Binti Saad wa kwanza kulia Bibi Nasra Moh’d Hilal akiwa pamoja na Mke wa Makamu wa Pili wa Rais wa Zanzibar Mama Asha Suleiman Iddi kulia yake wakiipitia Katiba iliyopendekezwa kwenye Kongamano la Wanawake na Uongozi hapo Grand Palace Malindi. Picha Hassan Issa - OMPR – ZNZ.

  Press Release:-

Makamu wa Pili wa Rais wa Zanzibar Balozi Seif li Iddi amewanasihi akina mama Nchini  kwamba mwaka huu ni wa kupata kile wanachokihitaji kwa karne nyingi zilizopita katika kuongeza kasi ya ushiriki wao kwenye  uchaguzi Mkuu ujao unaojenga mazingira yao katika mamlaka ya maamuzi ya Taifa hili.

Alisema wakipoteza fursa hii mwaka huu inaweza kuwachukuwa miaka mingi ijayo kupatikana kwake kwa vile wasiopenda maendeleo ya Wanawake bado wapo ndani ya Taifa hili.

Balozi Seif Ali Iddi alieleza hayo wakati akilifungua Kongamano la Mwanamke na Uongozi katika Katiba inayopendekezwa lililoandaliwa na Taasisi ya Mwanaharakati Siti Binti Saad lililofanyika katika Ukumbi wa Hoteli ya Grand Palace Kinu cha Taa Malindi Mjini Zanzibar.

Alisema mara nyingi wanaume kwa kupendelea kuendeleza mfumo dume wako mstawi wa mbele kupinga wanawake kupata haki zao kama inavyoshuhudiwa hivi sasa hapa nchini katika kipindi hichi cha mpito kuelekea kwenye kura ya maoni.

Balozi Seif lifahamisha kwamba ipomiofano inayoonyesha wazi kwamba wana harakati na wanamageuzi katika maeneo mbali mbali Duniani imewachukuwa takriban miaka zaidi ya 100 ya kupata haki wanawake katika kupiga kura kama wanaume.

Makamu wa Pili wa Rais wa Zanzibar alieleza kuwa Utafiti katika fani ya Uongozi inaonyesha kwamba taasisi zenye Uongozi ulio sawa kijinsia  hufanya vyema ikilinganishwa na zile zinazoendeshwa na kutawaliwa na mfumo dume.

Alisema Taifa ya Tanzania imeliona tatizo hili na tayari imejaribu kulitafutia ufumbuzi kwa kupendekeza Katiba Mpya inayotoa nafasi kwa akina mama kushiriki sawia na wanaume katika vyombo vya maamuzi kama Bunge.

“ Bila shaka tyunaamini Bunge la Hamsini kwa Hamsini litakuwa na ufanisi zaidi kuliko bunge la sasa hivi. Hali kama hiyo tunaamini itakuwepo pia kwenye vyombo vyengine vya kupitisha maamuzi kama Baraza la Mawaziri na Kadhalika “. Alifafanua Balozi Seif.

Alisema kitwakimu idadi ya Wanawake hapa Nchini bado ni kubwa kwa asilimia 51%  ikilinganishwa na wanaume. Hivyo uwezekano wa kupita kirahisi Katiba iliyopendekezwa ni kiubwa zaidi iwapo akina mama hao watajitokeza kwa wingi kuipigia kura ya ndio.

Balozi Seif alisisitiza kwamba Katiba iliyopendekezwa endapo itafanikiwa kupita itasaidia kufungua milango mingi ya fursa za Uongozi kwa akina mama walio wengi hapa Nchini.

Makamu wa Pili wa Rais wa Zanzibar aliwataka wanawake Nchini kujipanga vizuri katika kushika nafasi mbali mbali za uongozi wa Taifa hili lakini cha msingi kwao hilo litafanikiwa endapo wataamua kujitokeza kuomba nafasio hizo.

Alisema kama ilivyokuwa muhimu kujitokeza kwao kuomba kuchaguliwa lakini muhimu pia kuchagua wagombea wanaowapenda ambao watajikita  zaidi katika kukubali kuwatumikia.

“ Mkikosea mwaka huu kumchagua kiongozi asiyefaa, ina maana kwamba mtakuwa mmekosea kwa kipindi cha miaka mitano ijayo “. Alitahadharisha Balozi Seif.

Balozi Seif aliitanabahisha jamii kwamba kuibeza Katiba iliyopendekezwa ni sawa na kubeza juhudi za wanawake walizochukuwa miaka mingi iliyopita katika kudai haki zao na hatimae kufanikiwa kuziingiza katika sheria mama  ya nchi ambayo ni Katiba iliyopendekezwa.

Aliwashauri akina mama  kuwapuuza akina Baba hao hata kama wanatoka katika vyama wanavyovipenda au Taasisi za Kidini au zile za kiraia wanazozifuata na badala yake watumie busara alizozichukuwa Mwanaharakati Siti Binti Saad.

Alisema jibu sahihi la kebehi na jeuriza zinazoendelea kutolewa na baadhi ya akiba Baba ni kwa akina mama hao kutumia busara kwa kuipigia kura ya ndio Katiba inayopendekezwa.

Balozi Seif alieleza kuwa kwa mujibu wa Ibara ya 57 ya Katiba inayopendekezwa zipo haki kadhaa za wanawake  zitakazosaidia kuondoa baadhi ya mfumo dume iliokuwa ukiwakandamiza kwa miaka kadhaa iliyopita.

Alizitaja baadhi ya haki hizo kwa mujibu wa ibara hiyo y 57 kuwa ni pamoja na kuheshimiwa, kuthaminiwa na kutambuliwa utu wa mwanamke, kulindwa dhidi ya ubaguzi, udhalilishwaji, dhulma, unyanyasaji, ukatili wa kijinsia na mila potovu.

Makamu wa Pili wa Rais wa Zanzibar aliipongeza Taasisi ya Mwanaharakati Bibi Siti Binti Saad kwa juhudi zake ilizochukuwa katika kuandaa kongamano hilo la Mwanamke na Uongozi katika Katiba inayopendekezwa.

Balozi Seif  alisema si rahisi kwa Taasisi change kama hiyo kufanya mambo makubwa kama hayo lakini imeonyesha pamoja na uchanga huo imeweza kufanya  masuala mazito ya kupigiwa mfano.

Mapema Mwenyekiti wa Taasisi ya Mwanaharakati Siti Binti Saada Bibi Nasra Moh’d Hilal aliwatanabahisha akina mama wenzake kwamba huu ni wakati mzuri kwao kuitumia nafasi iliyokuwemo ndani ya Katiba iliyopendekezwa katika kujiimarisha kiuongozi.

Bibi Nasra alisema njia pekee katika kuhakikisha wana wake hao wanaitumia fursa hiyo ni kujitokeza kwa wingi kushiriki katika kupiga kura ya maoni sambamba na ushiriki wa uchaguzi Mkuu wa mwezi Oktoba mwaka huu.

Read More

Makamu wa Pili wa Rais wa Zanzibar Balozi Seif Ali Iddi Akizungumza na Ujumbe wa Jamuhuri ya Ireland ukiongozwa na Waziri wa Nchi Maendeleo ya Biashara na Ushirikaino wa Ireland Bwana Sean Sherlock hapo Ofisini kwake Vuga Mjini Zanzibar.

  Balozi Wa Jamuhuri ya Ireland Nchini Tanzania Balozi Fionnuala Gilsenan aliyefuatana na ujumbe wa Nchi yake uliofanya ziara hapa  Zanzibar akisalimiana na Makamu wa Pili wa Rais wa Zanzibar Balozi Seif Ali Iddi nje ya Ofisi yake Vuga Mjini Zanzibar. Kati kati yao ni Waziri wa Nchi Maendeleo ya Biashara na Ushirikaino wa Ireland Bwana Sean Sherlock. Picha Hassan Issa – OMPR – ZNZ.

 Makamu wa Pili wa Rais wa Zanzibar Balozi Seif Ali Iddi akifanya mazungumzo na ujumbe wa Jamuhuri ya Ireland ukiongozwa na Waziri wa Nchi Maendeleo ya Biashara na Ushirikaino wa Ireland Bwana Sean Sherlock. Picha Hassan Issa – OMPR – ZNZ.

 Balozi Seif Ali Iddi akiwa katika picha ya Pamoja na Waziri wa Nchi Maendeleo ya Biashara na Ushirikaino wa Ireland Bwana Sean Sherlock kulia yake baada ya kumaliza mazungumzo yao. Picha Hassan Issa – OMPR – ZNZ.

Balozi Seif Kati Kati akiw na Mgeni wake Waziri wa Nchi Maendeleo ya Biashara na Ushirikaino wa Ireland Bwana Sean kulia yake pamoja na Waziri wa Kilimo na Mali Asili Zanzibar Dr. Sira Ubwa Mwamboya wakibadilishana mawazo mara baada ya mazungumzo yao. Picha Hassan Issa – OMPR – ZNZ.

   Press Release:-

Makamu wa Pili wa Rais wa Zanzibar Balozi Seif Ali Iddi ametoa  wito kwa  Wafanyabiashara na Wawekezaji wa Jamuhuri ya Ireland kuitumia fursa ya uwekezaji iliyopo Zanzibar na Tanzania kwa ujumla katika kuwekeza miradi yao ya Kiuchumi na maendeleo.

Alisema uwekezaji wa washirika hao wa maendeleo nchini Tanzania utaongeza nguvu katika kuimairisha uhusiano wa Kidiplomasia uliopo kati ya Jamuhuri ya Muungano wa Tanzania na Ireland.

Akizungumza na Ujumbe wa Jamuhuri ya Ireland ukiongozwa na Waziri wa Nchi Maendeleo ya Biashara na Ushirikaino wa Ireland Bwana Sean Sherlock hapo Ofisini kwake Vuga Mjini Zanzibar Makamu wa Pili wa Rais wa Zanzibar Balozi Seif alisema Zanzibar na Tanzania bado zina mazingira mazuri na rasilmali zinazoweza kutumika katika uwekezaji.

Balozi Seif aliwahakikishia wawekezaji wa Ireland kwamba licha ya kwamba Taifa la Tanzania linakabiliwa na kura ya Maoni pamoja na Uchaguzi Mkuu mwaka huu lakini litaendelea kubakia katika hali ya amani na utulivu.

“ Tunawatoa hofu wa Irish watakaoamua kuja kuwekeza miradi yao ya kibiashara kwa kusaidia uchumi ya Nchi wasiwe na wasi wasi wowote kwani Tanzania itaendelea kubakia kuwa kisiwa cha amani Duniani “. Alisema Balozi Seif.

Naye Waziri wa Nchi Maendeleo ya Biashara na Ushirikiano wa Ireland Bwana Sean Sherlock alimuhakikishia Makamu wa Pili wa Rais wa Zanzibar Balozi Seif kwamba uhusiano kati ya Ireland na Tanzania utaendelea kuimarishwa Kwa ustawi wa Wananchi wa pande zote mbili.

Bwana Sean Sherlock`alisema uhusiano huo utaelekezwa zaidi katika kuona wataalamu wa sekta mbali mbali za Maendeleo wa Ireland hasa katika sekta ya Kilimo na utalii wanaongeza nguvu zao za kitaalamu kwa kusaidia wataalamu wazalendo.

Waziri wa Nchi Maendeleo ya Biashara na Ushirikaino wa Ireland Bwana Sean Sherlock alisisitiza kwamba Nchi yake itajitahidi kuunga mkono juhudi za Zanzibar na Tanzania kwa ujumla katika kusaidia kukabiliana na changamoto za mabadiliko ya tabia nchi zinazoonekana kuiikumba Dunia hivi sasa.

Mapema Waziri wa Kilimo na Mali Asili Zanzibar Dr. Sira Ubwa Mwamboya aliueleza Ujumbe huo wa Ireland kwamba  uimarishaji wa miundo mbinu katika Sekta ya Kilimo ni jambo la msingi lililopewa kipaumbele na Wizara hiyo.

Dr. Sira alisema hatua hiyo ya Serikali kupitia Wizara husika ya Kilimo imekuja kufuatia Wananchi walio wengi ndani ya Visiwa vya Zanzibar  ambao wanafikia zaidi ya asilimia 80% wanaendesha maisha yao kwa kutegemea  sekta mama ya kilimo.

Alifahamisha kwamba Wizara ya Kilimo na Mali Asili Zanzibar inaendelea ya juhudi za kukabiliana na mabadiliko ya Tabia Nchi ikitumia wataalamu wake kwa kushirikiana na washirika wa Maendeleo ndani na nje ya Nchi.

Naye Katibu Mtendaji wa Tume ya Mipango Zanzibar Bibi Amina Khamis alisema Dira ya Maendeleo ya Zanzibar imeundwa maalum na Serikali kuu kwa lengo la kusaidia mipango ya Maendeleo katika kuimarisha Kiuchumi.

Bibi Amina alisema Mpango wa kupunguza umaskini Zanzibar MKUZA umetoa fursa pana zaidi katika sekta za Kilimo na Utalii ambazo zimeonyesha muelekeo wa mzuri wa kupunguza wimbi la ukosefu wa ajira unaowakumba zaidi Vijana wanaomaliza masomo yao ya sekondari.

Read More

Makamu wa Pili wa Rais wa Zanzibar Balozi Seif Ali Iddi akifanya ziara ya ghafla kwenye karakana ya Kiwanda cha Matrekta Mbweni.

 Mhandisi wa Kiwanda cha Matrekta Mbweni Haji Wa Haji Makame akimpatia Maelezo Makamu wa Pili wa Rais wa Zanzibar Balozi Seif Ali Iddi moja ya Mashine zinazotumika Kiwandani hapo. Picha Hassan Issa – OMPR – ZNZ.

 Balozi Seif akiangalia Mashine inayotumika katika uburugaji wa mashamba ya Mpunga. Picha Hassan Issa – OMPR – ZNZ.

Mkuu wa Kitengo cha Ufundi katika Kiwanda cha Matrekta Mbweni Mhandisi Moh’d Omar Moh’d  WA Pili kutoka Kulia alimueleza Balozi Seif juhudi za Kiwanda hicho licha ya utengenezaji wa vyombo vya moto lakini pia hutoa mafunzo ya Ufundi kwa vijana wanaomaliza masomo ya sekondari. Wa mwanzo kutoka Kulia ni Mhandisi mwenzake wa Kiwanda hicho Haji Wa Haji Makame. Picha Hassan Issa – OMPR – ZNZ.

 Press Release:-

Ukosefu wa fungu maalum la matumizi pamoja na upungufu wa vipuri vya utengenezaji wa  vyombo vya moto katika Kiwanda cha Matrekta Mbweni ndio changamoto ya msingi inayosababisha  watendaji wa Kiwanda hicho kufanya kazi katika kiwango kisichoridhisha.

Mkuu wa Kitengo cha ufundi katika kiwanda hicho Mhandisi Moh’d Omar Moh’d alieleza hayo mbele ya Makamu wa Pili wa Rais wa Zanzibar Balozi Seif Ali Iddi aliyefanya ziara ya ghafla kwenye karakana ya Kiwanda hicho kuangalia uwajibikaji wa watendaji hao hapo Mbweni Nje kidogo ya Mji wa Zanzibar.

Mhandisi Moh’d Omar Moh’d  alisema changamoto hiyo kubwa  wakati mwengine  hupelekea baadhi ya Taasisi za Umma na hata zile binafsi husita kupelekea vyombo vyao vya moto kwa ajili ya kupata huduma za matengenezo ya kiufundi.

Alisema Kitengo hicho licha ya kwamba hakina kifungu cha fedha lakini watendaji wake hulazimika kufanya kazi wakati wote  kutegemea huduma wanazozipokea kituoni hapo hasa zile za Matrekta ya Wizara ya Kilimo na Mali Asili.

Alieleza kwamba Kiwanda hicho hivi sasa kimepokea Matrekta kadhaa  kutoka Wizara ya Kilimo na Mali Asili ambayo yanahitaji marekebisho ya  kiufundi ili yawahi kurejea kutoa huduma za kilimo mashambani Unguja na Pemba.

Mkuu huyo wa Kitengo cha Ufundi Kiwanda cha Matrekta Mbweni alifahamisha kwamba Kitengo hicho hivi sasa kinaendelea na mpango wa kushirikiana na Kampuni ya ufundi ya Mahindra ya Nchini India kwa lengo la kujiimarisha kiufundi ili kiendelee kutoa huduma za Kimataifa.

Mhandisi Moh’d alifafanua kuwa wataalamu wa Kiwanda hicho wako katika hatua ya kukamilisha  mapendekezo  yatayopelekwa kwenye Uongozi wa Kampuni hiyo  ya Mahindra kwa hatua zaidi.

Alieleza kwamba Mpango huo wa maombi umeainisha pia namna Kiwanda hicho kinavyotaka kujiimarisha zaidi katika utoaji wa mafunzo ya ufundi ngazi ya cheti kwa vijana wanaoamua kuchukuwa fani hiyo.

“ Tunaendelea kufundisha vijana wetu wanaomaliza masomo yao ya sekondari kwa vile tayari tumeshapata idhini ya Nacte na tunafarajika zaidi kwa vile masomo ya vijana hao huambatana na mazoezi ya vitendo hapa hapa Kiwandani “. Alisema Mhandisi Moh’d.

Naye Makamu wa Pili wa Rais wa Zanzibar Balozi Seif aliwapongeza watendaji wa Kiwanda cha Matrekta Mbweni kwa juhudi wanazoendelea kuchukuwa katika utekelezaji wa majukumu yao licha ya changamoto zinazowakabili kila siku.

Balozi Seif alielezea faraja yake kutokana kwamba  vifaa na mashine nyingi zilizopo Kiwandani hapo bado zinaendelea kutumika tokea kuanzishwa kwa Kiwanda hicho mwaka 1967.

“ Kazi mnazozifanya mnastahiki kupongezwa hasa ikizingatiwa kwamba mashine zenu ni zile zile mnazozitumia za mwaka 1967 “. Alisema Balozi Seif.

Makamu wa Pili wa Rais wa Zanzibar aliufahamisha Uongozi wa Kiwanda hicho pamoja na watendaji wake kwamba Serikali Kuu itaangalia namna itakavyoweza kusaidia kukwamua changamoto zinazokikabili Kiwanda hicho.

Read More

Makamu wa Pili wa Rais wa Zanzibar Balozi Seif Ali Iddi ametoa agizo kwa Wizara ya Ardhi, Makazi, Maji na Nishati Zanzibar kuufutia hati ya matumizi ya ardhi Mfuko wa kuhudumia Watoto yatima Zanzibar.

 Eneo la Mawe Mazito la Hecta 20 liliopo Vitongoji  chake chake Pemba ndilo pekee lilopbakia Kisiwani humo kwa ajili ya upatikanaji wa rasimlali ya jiwe kwa ujenzi wa miundombinu ya bara bara. Picha Hassan Issa– OMPR – ZNZ.

 Afisa Mdhamini Wizara ya Ardhi, Makazi, Maji na Nishati Pemba Nd. Hemed Salum wa pili kutoka kulia akimpatia maelezo Balozi Seif aliyefika kukagua eneo la mawe mazito ambalo liko chini ya dhamana ya Mfuko wa Kuwahudumia Watoto Yatima Zanzibar Hapo Vitongoji Chake chake Pemba. Wa kwanza kutoka kushoto ni Mkuu wa Mkoa wa Kusini Pemba Mh. Mwanjuuma Majid na Mwakilishi wa Kampuni ya Mecco Bwana Abdullkadir Moh’d Bujeti. Picha Hassan Issa– OMPR – ZNZ.

Mwakilishi wa Kampuni ya ujenzi wa Miundombinu ya Bara bara ya Mecco Bwana Abdullkadir Moh’d Bujeti akimpatia maelezo Makamu wa Pili wa Rais wa Zanzibar Balozi Seif hatua iliyofikiwa ya kukamilika kwa ujenzi wa Bara bara Tatu zaMkoa wa Kaskazini Pemba. Picha Hassan Issa– OMPR – ZNZ.

Press  Release:-

Makamu wa Pili wa Rais wa Zanzibar Balozi Seif Ali Iddi ametoa agizo kwa Wizara ya Ardhi, Makazi, Maji na Nishati Zanzibar kuufutia hati ya matumizi ya ardhi Mfuko wa kuhudumia Watoto yatima Zanzibar { Zanzibar Children Fund } iliyopewa katika eneo la mawe mazito liliopo Vitongoji Chake chake Pemba.

Alisema eneo hilo la Hekta 20 ndilo pekee lililobakia Kisiwani Pemba linalotumiwa na Wizara ya Miundo mbinu na Mawasiliano kwa ung’oaji wa mawe mazito yanayotumiwa katika miundo mbinu ya ujenzi wa mawasiliano ya Bara bara.

Balozi Seif Ali Iddi alitoa agizo hilo wakati alipofanya ziara fupi ya kukagua eneo la Mawe mazito na kuiagiza Wizara ya Ardhi, Makazi, Maji na Nishati kufanya utaratibu mara moja wa kuupatia sehemu nyengine Mfuko huo ili uendelee na malengo yake iliyojipangia.

Alisema uamuzi huo wa Serikali umekuja baada ya eneo la Hekta 133 lililotengwa na Serikali kwa ajili ya shughuli ya uchimbaji mawe mazito Kisiwani Pemba kumalizika kwa rasilmali hiyo muhimu kwa ujenzi wa miundo mbinu ya bara bara.

“ Nitamuagiza Waziri anayehusika na masuala ya Ardhi aifute hati iliyopewa Mfuko wa kuhudumia Watoto Zanzibar na badala yake awapatie sehemu nyengine ili kupisha eneo hilo litumiwe kwa kazi nyengine za uchimbaji wa mawe mazito kwa ajili ya uimarishaji wa miundombinu ya Bara bara “. Alisema Balozi Seif.

Alisema utafiti wa Kitaalamu uliofanywa na wataalamu wa Mazingira na mali zisizorejesheka umebaini kwamba eneo hilo la Vitongoji walilopewa Mfuko huo ndio sehemu pekee iliyobaki ndani ya Kisiwa cha Pemba yenye mali ghafi yam awe mazito.

“Hii sehemu ndio pekee iliyobaki kuwa na jiwe gumu linalofaa kwa ujenzi wa Bara bara. Hivyo italazimika hati iliyopo kufutwa na litumike kwa kazi nyengine za Serikali “. Alisisitiza Balozi Seif.

Makamu wa Pili wa Rais wa Zanzibar alisisitiza kwamba Ardhi ni Rasilmali ya Taifa. Hivyo Serikali wakati wote ina haki na wajibu wa kulitumia eneo la Ardhi popote pale Nchini kwa maslami ya Jamii nzima.

Alieleza kwamba ipo faraja kidogo kwa Serikali kulitumia eneo hilo hivi sasa kwa vile halijawa na mali nyingi ya mmiliki wa matumizi isipokuwa jengo moja tuu ambapo ingelazimika kulipa fidia.

Mapema Afisa Mdhamini Wizara ya Ardhi, Makazi, Maji na Nishati Pemba Nd. Hemed Salum alisema kwamba eneo hilo la Hecta 20 za ardhi walizopewa Mfuko huo wa Kuhudumia Watoto Yatima Zanzibar ni miongoni mwa Hekta 133 zilizotengwa maalum ya Serikali kwa kazi ya uchimbaji wa Mawe mazito.

Nd. Hemed alisema Mfuko wa Kuhudumia Yatima Pemba waliomba eneo hilo kwa ajili ya kujenga Kijiji cha Mayatima Karibu miaka sita sasa tokea mwaka 2009 akini hadi sasa eneo hilo bado halijaekezwa kitu chochote zaidi ya ujenzi wa jengo moja.

Eneo  pekee lenye rasilmali ya jiwe zilo linalofaa kwa matumizi ya miundombinu ya mawasiliano ya Bara bara Kisiwani Pemba kwa sasa lipo Vitongoji karubu Kilomita nne Mashariki mwa Mji wa Chake chake Pemba.

Wakati huo huo Makamu wa Pili wa Rais wa Zanzibar Balozi Seif alipata wasaa wa kukagua maendeleo ya ujenzi wa Bara bara ya Wete Gando na Gando Ukunjwi unaosimamiwa na Kampuni ya Mecco.

Mwakilishi wa Kampuni ya Mecco Bwana Abdullkadir Moh'Bujeti alimueleza Balozi Seif kwamba wahandisi wa ujenzi wa Bara bara hiyo wanaendelea na harakati za ujenzi katika kiwango cha kuridhisha.

Bwana Bujeti alisema kazi iliyobakia katika ujenzi wa Bara bara ya Wete Gando hivi sasa ni ya kukamilisha Kilomita 3.6 na ile ya Gando Ukunwi imebakisha Kilomita 2.

Alifahamisha kwamba kazi kubwa iliyobakia kwa sasa katika mradi huo ni uwekaji wa alama za bara barani pamoja na rangi na baadaye kukabidhiwa Rasmi Serikalini mwishoni mwa Mwezi wa Machi Mwaka huu wa 2015.

Akitoa shukrani zake kwa hatua kubwa iliyofikiwa na Kampuni ya Mecco katika kukamilisha mradi huo wa ujenzi wa Bara bara sita za Kisiwa cha Pemba Makamu wa Pili wa Rais wa Zanzibar Balozi Seif Ali Iddi alielezea kuridhika kwake na hatua iliyofikiwa ya ujenzi wa bara bara hizo.

Balozi  Seif alisema kukamilika kwa ujenzi wa miundombinu ya mawasiliano ya Bara bara Kisiwani Pemba kutatoa fursa pana kwa wananchi hasa wakulima Kisiwani humo kuwa na uwezo wa kusafirisha mazao yao  kwa uhakika kupelekea kwenye soko.

Read More

Makamu wa Pili wa Rais wa Zanzibar Balozi Seif Ali Iddi akizungumza na Wajumbe wa Bodi ya Mfuko wa Kuwaenzi Waasisi wa Taifa la Tanzania hapo Ofisini kwake Vuga Mjini Zanzibar.

Makamu wa Pili wa Rais wa Zanzibar Balozi Seif Ali Iddi akizungumza na Wajumbe wa Bodi ya Mfuko wa Kuwaenzi  Waasisi  wa Taifa la Tanzania hapo Ofisini kwake Vuga Mjini Zanzibar.  Kulia ya Balozi Seif ni Mwenyekiti wa Bodi hiyo Kanal Mstaafu Kabenga Nsa Kaisi na kushoto ya Balozi na Mke wa Kiongozi wa Mapinduzi ya Zanzibar Mama Fatma Karume.  Picha na Hassan Issa – OMPR – ZNZ.

Press Release:-

Makamu wa Pili wa Rais wa Zanzibar Balozi Seif Ali alisema kwamba kizazi kipya kinapaswa kuelewa  azma ya waasisi wa Taifa la Tanzania  Marehemu Mzee Abeid Aman Karume na Baba wa Taifa Mwalimu Julius Kambarage Nyerere wakati walipokuwa mstari wa mbele kudai Uhuru na haki za jamii ya Watu wote.

Alisema watoto waliowengi wa  kizazi kipya bado wanaendelea kuwa njia panda wakikosa kumbu kumbu kadhaa za Viongozi waasisi ambazo zingewapa fursa na nafasi pana ya kuelewa malengo sahihi ya waasisi hao.

Balozi Seif Ali Iddi alisema hayo wakati akizungumza na Wajumbe wa Bodi ya Udhamini wa Mfuko wa kuwaenzi Waasisi wa Taifa la Tanzania ulioongozwa na Mwenyeki wake Kanal Mstaafu Kabenga Nsa Kaisi aliokutana nao Ofisini kwake    Vuga Mjini Zanzibar.

Alisema yapo mataifa mengi duniani kama Vietnam, Jamuhuri ya Watu wa China na Korea ya Kaskazini yenye Historia kubwa ya kuenzi kazi na kumbu kumbu za waasisi wao kitendo ambacho Bodi hiyo itastahiki kuiga mfano huo.

Balozi Seif alifahamisha kwamba wapo baadhi ya watu wanaoendelea kuzidhihaki kazi zilizofanywa na waasisi wa Tanzania kiasi kwamba iwapo hakutakuwa na juhudi za makusudi kizazi kipya kinaweza kupotea na kukosa Historia yao.

Alitolea mfano wa Mapinduzi Daima yanayodhihakiwa na baadhi ya watu hao wakikosa kuelewa dhamiri halisi inayokusudiwa ya kuyaenzi yale yote yaliyotangazwa mara baada ya Mapinduzi ya Mwaka 1964 ambayo yatamstawisha Mwananchi wa Taifa hili katika maisha yake yote.

Makamu wa Pili wa Rais wa Zanzibar aliwahakikisha Wajumbe wa Bodi ya Udhamini wa Mfuko wa Kuwaenzi Waasisi wa Tanzania kwamba Serikali ya Mapinduzi ya Zanzibar itatoa kila aina msaada utakaohitajika na Wajumbe hao ili kuona malengo waliyojipangia yanafanikiwa vyema.

Aliwashauri wajumbe wa Bodi hiyo kuwasiliana na wazee wanaoielewa vyema Historia ya Uhuru wa Tanganyika na Mapinduzi ya Zanzibar ili iendelee kuenziwa na kizazi kipya.

Alieleza kwamba Kizazi kipya ni vizuri kikajengewa mazingira bora ya kujifunza moyo wa kujitolea kupitia waasisi wa Taifa la Tanzania ambalo linaendelea kuwa chuo kwa baadhi ya Nchi washirika kupata Taaluma ya Historia yake.

Makamu wa Pili wa Rais wa Zanzibar alielezea faraja yake kutokana na Serikali ya Jamuhuri ya Muungano wa Tanzania kuona umuhimu wa kupitisha Sheria ndani ya Bunge 2004 ya kuunda bodi ya Udhamini wa Mfuko wa kuwaenzi waasisi wa Taifa la Tanzania.

Mapema Mwenyekiti wa Bodi hiyo Kanal Mstaafu Kabenga Nsa Kaisi alisema jukumu kubwa la Bodi hiyo ni kukusanya kumbu kumbu za waasisi Taifa la Tanzania na kuzihifadhi kwa faida ya vizazi vipya.

Kanal Mstaafu Kabenga alisema bodi tayari imeshaandaa mikakati ya jinsi ya kupata uwezo wa kifedha zitakazokidhi uanzishwaji wa vituo viwili vya Kumbu kumbu vitakavyowekwa Tanzania bara na Zanzibar.

Alifahamisha kwamba Wajumbe wa Bodi hiyo watasimamia kuonba kwamba mchango wa Viongozi waasisi haufanyiwi dhihaka na kazi kubwa ya wajumbe hao ni kusimamia taaluma ili Jamii ifahamu azma hya waasisi hao katika kupigania Uhuru na haki za Mwafrika.

“ Kazi yetu inayofanana na wenzetu inatupa faraja kuona Mtaifa ya Dunia hii yanaendelea kuwaenzi waasisi wa Nchi zao.

Read More

Makamu wa Pili wa Rais wa Zanzibar Balozi Seif Ali Iddi akionya Uongozi wa Kamisheni ya Wakfu na Mali Amana Kisiwani Pemba kuwapimia Viwanja Wananchi katika eneo la Kifoi Wete.

 Afisa mdhanini Ardhi, Makazi, Maji na Nishati Pemba Nd. Said Iddi Hamad wa pili kutoka kulia akimpatia maelezo Makamu wa Pili wa Rais wa Zanzibar Balozi Seif aliyepo Kushoto kuhusu uamuzi wa Wizara hiyo wa kuwapimia Viwanja Wananchi katika eneo la Kifoi Wete ambalo limeleta mzozo na Kamisheni ya Wakfu Kisiwani Pemba. Picha na Hassan Issa – OMPR – ZNZ.

 Balozi Seif akikata Sabuni ya Mchi kuangalia ubora wake wakati alipoutembelea ushirika wa akina Mama wa kutengeneza sabuni za Miti na za kukogea wa Miti Ulaya Wete Kisiwani Pemba akishuhudia wa wanaushirika huo kulia yake. Nyuma ya Balozi Seif ni Mkuu wa Mkoa wa Kaskazini Pemba Mheshimiwa Omar Khamis Othman. Picha na Hassan Issa – OMPR – ZNZ

Mshika fedha wa Ushirika wa akina mama wa kutengeneza sabuni za Miti na za kukogea wa Miti Ulaya Wete Kisiwani Pemba Bibi Maryam Rashid Moh’d akimuonyesha Balozi Seif Kidumu cha Sabuni za Kuogea wanazozalisha kwenye kiwanda chao. Wa mwanzo kushoto ni Mwanachama wa Ushirika huo wa Selem Women Center Miti Ulaya Wete Bibi Naima Abdulla. Picha na Hassan Issa – OMPR – ZNZ.

   Press Release:-

Makamu wa Pili wa Rais wa Zanzibar Balozi Seif Ali Iddi ameuonya Uongozi wa Kamisheni ya Wakfu na Mali Amana Kisiwani Pemba kusitisha mara moja zoezi la uwekaji wa Mabango  ya kuzuia ujenzi wa Nyumba katika eneo la ardhi lenye mzozo liliopo Kifoi – Limbani Wete pamoja na lile la Junguni Gando Kisiwani Pemba.

Amesema iwapo Uongozi huo wa Wakfu na Mali ya Amana ulikuwa ukitekeleza agizo uliyopewa na Kiongozi yeyote yule suala hilo litajadiliwa katika Vikao vya Baraza la Mapinduzi Zanzibar hapo baadaye.

Balozi Seif Ali Iddi alitoa onyo hilo alip[ofanya ziara fupi kukagua eneo hilo ambalo limekuwa na mgogoro wa muda mrefu kati ya Kamisheni ya Wakfu na wananchi waliopewa viwanja na mamlaka husika kujenga nyumba za kuishi.

Alisema eneo hilo la Kifoi Limbani Wete Pemba ni miongoni mwa Maeneo ambayo Serikali ya Mapinduzi ya Zanzibar iliyagawa kwa Wananchi eka tatu tatu mara tu baada ya Mapinduzi ya Zanzibar ya mwaka 1964 ili waendeleze shughuli za Kilimo.

Alifahamisha kwamba Hati zote zilizotolewa na kutumika kuhusu umiliki wa matumizi ya Ardhi katika Visiwa vya Zanzibar kabla ya mwaka 1964 hazitumiki tena na kwa sasa ni batili.

Balozi Seif alisisitiza kwamba ardhi yote ya Visiwa vya Zanzibar ni mali ya Serikali. Hivyo alisema mipango yoyote itakayoamuliwa na Serikali katika matumizi ya ardhi hiyo popote pale ndani ya Zanzibar ni lazima iheshimiwe na Wananchi pamoja na Taasisi ziwe za umma na hata binafsi.

Makamu wa Pili wa Rais wa Zanzibar alikemea kwamba kitendo cha Uongozi wa Kamisheni ya Wakfu na Mali Amana Pemba kuendesha zoezi la uwekaji wa Mabango ya kuzuia ujenzi linaweza kuamsha chuki, uhasama na hatimae kusababisha vurugu za kuvunja amani.

“ Naagiza kwamba zoezi la Wakfu na Mali ya Amana lisimame mara moja na mabango yote yaliyowekwa yang’olewe. Nikimaliza vikao vya Baraza la Wawakilishi Unguja vinavyoendelea hivi sasa nitafanya ziara ya kuja kungalia kama agizo langu limetekelezwa “. Alisisitiza Balozi Seif.

Aliuasa Uongozi huo wa Kamisheni ya Wakfu na Mali ya Amana Pemba kwamba hauna idhini ya kuzuia Mashamba yaliyogawa Serikali eka tatu tatu kwa Wananchi mwaka 1964 bali wanachokifanya ni uamuzi wa Watu binafsi na kamwe hilo ni jambo lisilokubalika.

Akitoa ufafanuzi  Afisa Mdhamini Wizara ya Ardhi, Makazi, Maji na Nishati Pemba Ndugu Said Iddi Hamad alimueleza Makamu wa Pili wa Rais wa Zanzibar kwamba Wizara hiyo kupitia Idara ya Ardhi na Mipango Miji ilikata viwanja na kugaia Wananchi kwa lengo la kujenga nyumba za Kuishi.

Nd. Said alisema hatua hiyo imekuja baada ya eneo hilo kuanza kuvamiwa na kuanzishwa ujenzi holela jambo ambalo Taasisi ya Ardhi  ikalazimika kuchukuwa hatua za kitaalamu za kulipima eneo hilo katika mfumo unazingatia mipango miji.

Mapema Sheha wa Shehia ya Limbani Bwana Masoud Ali Hassan alisema kwamba eneo hilo la Kifoi – Limbani Wete limegaiwa kwa Wananchi Eka Tatu tatu maara baada ya Mapinduzi ya Zanzibar ya mwaka 19664.

Sheha Masoud alisema shughuli za ujenzi  wa makaazi ya nyumba za kudumu ndani ya eneo hilo ulianza zaidi ya miaka 20 baada ya Mapinduzi  kukiwa hakuna malalamiko wala madai dhidi ya wahusika hao.

Alisema anashangaa kuona Uongozi wa Kamisheni ya Wakfu na Mali ya Amana Kisiwani humo ukiendesha zoezi la uwekaji wa mabango ya kuzuia ujenzi au shughuli zozote katika kipindi hichi ukidai kwamba hiyo ni shmba na Wakfu ya Marehemu Bwana Abdullah Bin Suleiman El – Busaid wa Limbani Wete.

Naye Mkuu wa Mkoa wa Kaskazini Pemba Mh. Omar Khamis Othman alieleza masikitiko yake dhidi ya Uongozi wa Taasisi hiyo ya Wakfu Pemba kwa kuchukuwa hatua za uendeshaji wa zoezi hilo bila ya kuiarifu Serikali ya Wilaya ya Wete wala ile ya Mkoa wa Kaskazini Pemba.

Mh. Omar alisema Uongozi huo ulichukuwa uamuzi huo bila ya kuzingatia kwamba maeneo wanayoyapima hivi sasa yanatumiwa na wananchi kwa kazi na shughuli mbali mbali za  kilimo pamoja na ujenzi.

Wakati huo huo Makamu wa Pili wa Rais wa Zanzibar Balozi Seif Ali Iddi alikitembelea kikundi cha Ushirika wa Akina Mama cha Utengenezaji wa Sabuni za Michi na kukogea cha Miti Ulaya Mjini Wete.

Akizungumza na wana ushirika hao Balozi Seif aliwataka akina mama hao kuendelea kuzingatia  vyema maadili na taratibu zilizowekwa kuhusu uendeshaji wa vikundi vya ushirika.

Alisema vipo vikundi vingi vilivyoanzishwa hapa nchini na kuanza vyema shughuli zao za uzalishaji lakini vikashindwa kudumu kutokana na baadhi ya wanachama wake hasa wale viongozi waliopewa dhamana kukosa maadili.

Akizungumzia suala la uchaguzi Mkuu unaotarajiwa kufanyika baadae mwezi oktoba mwaka huu Mkamu wa Pili wa Rais wa Zanzibar aliwakumbusha wana ushirika hao ni vyema wakawalinganisha mapema viongozi wenye nia safi ya kukubali kuwatumikia.

“Baadhi ya waheshimiwa wamekuwa na tabia zinazofanana na simu ya mkononi.  Wakeshaichaji hawana habari tena na wale waliowachagua. Hivi sasa wameanza kutafuta waya wa kuchajia kwa sababu uchaguzi umekaribia “. Balozi Seif aliwatahadharisha akina mama hao.

Balozi Seif aliupongeza Uongozi na wana ushirika wa Utengenezaji wa Sabuni za Michi na kukogea Miti Ulaya Wete kwa uwekaji wa kumbu kumbu za matumizi na kuahidi kuwalipia deni lao wanalodaiwa katika shughuli za ujenzi wa Jengo lao la kudumu.

Mapema Mke wa Makamu wa Pili wa Rais wa Zanzibar Mama Asha Suleiman Iddi aliwataka akina mama hao kujituma zaidi katika miradi yao ya kuiuchumi na maendeleo kwani wao ndio walezi wakuu wa familia.

Mama Asha alisema hayo hayata patikana wala kufanikiwa iwapo akina mama hao kwa kushirikiana pamoja na akina bab hawatadumisha Umoja, Mshikamano na upendo miongoni mwao.

Mke huyo wa Makamu wa Pili wa Rais wa Zanzibar katika kuunga mkono juhudi za akina Mama hao wa Kiwanda cha utengenezaji wa Sabuni za michi na kuogea aliahidi kukichangia shilingi Milioni 3,000,000/- ili zisaidie kupunguza changamoto zinazowakabili ikiwemo baadhi ya vifaa na mali ghafi za mradi wao.

Read More

Makamu wa Pili wa Rais wa Zanzibar Balozi Seif Ali Iddi Akilizindua Tamasha la Pili la Uzalendo Tanzania la Mwaka 2015

Makamu wa Pili wa Rais wa Zanzibar Balozi Seif Ali Iddi akisalimiana na Wasanii 11 wa Kizazi kipya wanaoendesha Tamasha la Uzalendo Tanzania kabla yha klulizindua rasmi kwenye uwanja wa amani Mjini Zanzibar. Picha Hassan Issa – OMPR – ZNZ.

Balozi Seif akitoa hotuba ya kulizindua Tamasha la Uzalendo Tanzania kwenye uwanja wa Amani lililoshuhudia na mamia ya wapenda burden hapa Zanzibar. Picha Hassan Issa – OMPR – ZNZ.

Msanii wa Kizazi Kipya Miki wa Pili akitoa shukrani kwa Serikali zote mbili Nchini Tanzania kuunga mkono kazi za wasanii zilizokuwa hazitambuliwi katika kipindi cha miaka kumi iliyopita. Picha Hassan Issa – OMPR – ZNZ.

Mashabiki wa Burdani ndani ya Viunga vya Mji wa Zanzibar wakiserebuka kwenye Tamasha la Uzalendo Tanzania lililofanyika katika Uwanja wa Amani Mjini Zanzibar.
Picha Hassan Issa – OMPR – ZNZ.

Umati wa mashabiki wa Burdani wakishuhudia waimbaji mbali mbali wa Kizazi Kipya wakifanya vitu vyao katika Jukwaa maalum lililojengwa pembezoni mwa Uwanja wa amani kwenye Tamasha la Uzalendo Tanzania. Picha Hassan Issa – OMPR – ZNZ.

Press Release:-

Kundi la  wasanii kumi na moja wa kizazi kipya  Ndani ya Tanzania leo limeuvamia uwanja wa michezo Amani kufanya Tamasha la Pili la Uzalendo Tanzania la Mwaka 2015.

Tamasha hilo lililoasisiwa Mwaka Jana  Mjini Dodoma na Rais wa Jamuhuri ya Muungano w Tanzania Dr. Jakaya Mrisho Kikwete lina lengo la kueneza ujumbe wa kudumisha amani na Umoja Miongoni mwa Watanzania wote.

Mamia ya Vijana na wapenda burdani walionekana kumiminika katika uwanja huo wa amani kushuhudia waimbaji maarufu wa Kikazi kipya wakifanya vitu vyao jambo ambalo liliwafanya wengi wa mashuhuda hao kuwacha viti vyao na kuanza kuserebuka.

Balozi Seif Ali Iddi alisema kwamba wasanii Nchini Tanzania wana dhamana kubwa katika kuhakikisha Taifa linaendelea kuwa na amani na utulivu kupitia fani yao ya sanaa.

Akilizindua Tamasha la Pili la Uzalendo Tanzania la Mwaka 2015  Makamu wa Pili wa Rais wa Zanzibar Balozi Seif alisema wasanii ndio kioo cha jamii kinachoweza kutumika katika kufikisha ujumbe na hata masuala ya maendeleo ya Kijamii.

Alisema mchango wa wasanii katika jukumu kubwa linalolikabili taifa ndani ya mwaka huu wa 2015 kwenye kura ya maoni sambamba na uchaguzi Mkuu wa Mwezi wa Oktoba ni muhimui sana.

Makamu wa Pili wa Rais wa Zanzibar aliwaomba wasanii hao kuhakikisha kwamba suala la Amani  linakuwa ndio dira itakayowapa mwanga wa kuendeleza shughuli zao za sanaa popote pale Nchini Tanzania.

Alisema Zanzibar na Tanzania kwa ujumla ni kisiwa cha amani Duniani. Hivyo juhudi za pamoja kati ya wasanii na wananchi zinahitajika ili kuona lulu hiyo ya amani Nchini Tanzania inaendelea kudumu.

Mapema Mjumbe wa Kamati ya Tamasha hilo Nd. Shaib Ibrahim Mohammed alisema kwamba hilo ni tamasha la kwanza kufanyika hapa Zanzibar likiwa na ujumbe wa kuendelea kusisitiza umuhimu wa kudumisha amani, Umoja na Upendo miongoni mwa Jamii hapa Tanzania.

Akitoa shukrani mwa niaba ya Kundi hilo Msanii Miki wa Pili alizishukuru na kuzipongeza Serikali zote mbili Nchini Tanzania kwa kufahamu umuhimu na mchango wa Wasanii.

Miki alisema fani ya sanaa ndani ya ardhi ya Tanzania ilikuwa ikitambuliwa kama kazi ya kihuni katika kipindi cha miaka kumi iliyopita.

Alisema Wabunge wa Bunge Maalum la Katiba wana haki ya kupongezwa kwa kujenga historia ya kudumu iliyoainisha umuhimu wa kutambiliwa kwa kazi za wasanii na kupelekea kuingizwa ndani ya Katiba inayopendekezwa.

Read More